Seancë gjyqësore për rastin “Titanik”, do të jepen prova materiale

Me dhënien e provave materiale, në Gjykatën Penale në Shkup sot duhet të vazhdojë gjykimi për rastin “Titanik” të Prokurorisë Speciale Publike, e cila ka të bëjë me parregullsitë zgjedhore.

Kryetar i Këshillit Gjyqësor është gjykatësi Osman Shabani, ndërsa përfaqësues i aktakuzës është Lile Stefanovska.

Përveç ish-kryeministri Nikolla Gruevski i cili është në arrati në Hungari, në “Titanik” të akuzuar janë edhe Kiril Bozhinovski, Mile Janakievski, Gordana Jankullovska, Biljana Brishoska Boshkovski, Ilija Dimovski, Munir Pepiq, Edmond Temelko, Leko Ristoski, Kiril Todorovski, Katerina Velkovska, Stanko Korunoski, Kosta Markovski, Dragçe Dragçeski, Marjan Nakevski, Goce Janevski, Xhezmi Ahmet, Robert Davitkov, Dalibor Aleshkoviq dhe Lenka Rashjakovska,

Ata dyshohen për shoqërim kriminel, shkelje të të drejtës zgjedhore, shkelje të lirisë së përcaktimit të votuesve, ryshfet gjatë zgjedhjeve dhe votimit, shkatërrim të materialit zgjedhor dhe keqpërdorim të mjeteve për financimin e fushatave zgjedhore./Telegrafi/