Satirë e ironi, gjermanët kritikojnë ngjarjet aktuale politike në karnaval – shikoni fotografitë

Në karnavalet gjermane me plot parada sot është arritur kulmi, duke shfrytëzuar mundësinë siç ndodhë tradicionalisht të kritikohen ashpër ngjarjet aktuale politike me doza të rënda satire dhe ironie.

Satira më e rëndë praktikohet tradicionalisht nga pjesëmarrësit e karnavalit në Düsseldorf, transmeton Telegrafi.

Kështu këtë vit, një veturë u shfaq që tregonte presidentin rus Putin dhe kreun e Kishës Ortodokse ruse, Kirill, gjatë seksit oral, dhe në një nga veturat, presidenti potencial i ardhshëm i SHBA-së, Donald Trump, i cili gdhend një svastikë në flamurin amerikan.

Pjesëmarrësit e karnavaleve prekën edhe temën e konfliktit në Lindjen e Mesme, ku një veturë tregonte një anëtar të Hamasit duke shtyre një familje palestineze përpara një tanku izraelit.

Në Këln, ndër të tjera, kancelari gjerman Olaf Scholz, i cili u portretizua si një përtacë dhe ministrja e Jashtme, Annalena Baerbock, u portretizua si një elefant në një dyqan porcelani.

U kritikua edhe partia AfD, e cila u lidh drejtpërdrejt me periudhën naziste. /Telegrafi/