Sallatë e kombinuar

Përbërësit:
* 1 kg patate
* 2 qepë
* 2 gjethe dafine
* 0,5 di uthull molle
* 1 lakër e vogël
* 300 g bizele
* 300 g karota
* 250 g majonezë
* 2 dl jogurt
* 150 g proshutë
* 4 tranguj turshi
* 4 vezë
* erëza të përziera, kripë, piper i zi

Përgatitja:
1. Patatet zihen, pastaj lihen të ftohen, qërohen dhe priten në kube.

2. Karotat, qepët dhe trangujt turshi priten në kube, ndërsa lakra pritet në kube më të mëdha. Vezët zihen, qërohen dhe grihen trash në rende. Proshuta gri het imët.

3. Në një tenxhere të madhe derdhet ujë, shtohet uthulla e mollës, gjethet e dafinës dhe pakëz kripë dhe të gjitha zihen derisa të vlojë uji. Në atë ujë zihet lakra, qepët dhe karotat.

4. Shtohen bizelet e reja dhe vazhdon zierja derisa të zbuten bizelet. Perimet kullohen.

5. Në enë të veçantë tunden majoneza dhe jogurti.

6. Në enë të përshtatshme bashkohen perimet e ziera, patatet, trangujt turshi, vezët dhe proshuta. Përmbi to derdhet përzierja me majonezë e jogurt, shtohet piper i zi dhe erëza të përziera sipas shijes dhe të gjitha përzihen ngadalë.
/Telegrafi/