Sacchi krahason Bellinghamin me Messin

Ish-trajneri i Milanit dhe Italisë, Arrigo Sacchi ka thënë se vetëm Lionel Messi i bëri përshtypje atij po aq sa Jude Bellingham në të vitet e 20-ta.

Bellingham kontribuoi shumë në fitoren 3-1 të Anglisë ndaj Italisë të martën, vetëm një javë pasi frymëzoi fitoren e Real Madridit në Ligën e Kampionëve kundër Napolit në Stadio Maradona.

Sacchi ishte i impresionuar nga Bellingham në paraqitjen e tij më të fundit kundër Azzurrëve në Wembley Stadium.

Lexo po ashtu "Ai ka pushtuar La Ligën" - Futbollisti i Barcelonës me fjalë të mëdha për Bellingham

“Ai ishte dominues. Ai është shumë i fortë. Ai bën gjithçka”, ka thënë fillimisht trajneri legjendar italian për La Gazzetta dello Sport.

“Ai gjithmonë luan për ekipin. Vetëm Messi më kishte bërë aq shumë përshtypje në moshën e tij”.

“Sigurisht, Bellingham është i ndryshëm nga Leo, por nëse ai mbetet kaq i përulur, ai mund të ndjekë hapat e tij sepse Bellingham është i klasit botëror”, përfundoi Sacchi.

Lexo po ashtu “Bellingham është i vetmi që e ka kuptuar se froni i Messit dhe Ronaldos është i lirë”, legjenda e Real Madridit lartëson anglezin

Bellingham ka shënuar 10 gola në 10 paraqitje me Real Madridin nën drejtimin e Carlo Ancelottit këtë sezon.

Ai u bashkua me Merengues për rreth 100 milionë euro verën e fundit dhe kontrata e tij me gjigantët e La Ligës skadon në qershor 2029. /Telegrafi/