Sa karburant harxhon një motor makine kur nuk lëviz nga vendi?

Ju duhet t’i harroni këto zakone, kjo është arsyeja

Kur e lini motorin të punojë pa lëvizur makina për ta ngrohur makinën apo derisa prisni diçka apo dikë, makina juaj shpenzon kot karburant.

Nëse merret parasysh vjetërsia e pjesëve mekanike të motorit me rastin e lëvizjes, më mirë është të fikni motorin kur ndaleni më gjatë se 60 sekonda, nëse nuk jeni duke lëvizur në rrugë apo jeni në një tollovi trafiku dhe ta ndizni sërish, transmeton Telegrafi.

Është konstatuar që shpenzimi i karburantit benzinë apo naftë kur motori punon pa lëvizur makina është nga 0,6 litra në 1,5 litra në orë. Kjo domethënë që motorët më të vegjël kur punojnë pa lëvizur makina shpenzojnë rreth 1,2 litra karburant në një orë.

Shtoni kësaj edhe rritjen e shpenzimit nëse është e aktivizuar edhe ngrohja e xhamit të pasmë apo e ulëseve, të cilat nuk mund të përdorin energjinë e ngrohjes së motorit (si ngrohja e kabinës, për shembull).

Si rezultat, shpenzimi është rritur për 0,1 litër në orë.

Përveç kësaj, duhet të kihet parasysh se duke e ndezur motorin në mënyrë të panevojshme, ju ndotni shtesë ajrin në vend. /Telegrafi/