Rrëzohet helikopteri në Itali, humbin jetën tre persona

Një helikopter është rrëzuar në Castelguelfo di Noceto, pranë Parmës, Itali, duke vrarë të tre personat në bord.

Mes viktimave ishte 41-vjeçari Lorenzo Rovagnati, CEO i kompanisë së njohur italiane “Gran Biscotto” dhe një nga trashëgimtarët e biznesit të themeluar nga babai i tij, Paolo.

Reaguesit e urgjencës identifikuan Rovagnati në vendin e përplasjes, ku ekipet e shpëtimit punuan deri në mbrëmje për të gjetur viktimat.

Bëhet e ditur se përplasja ndodhi në territorin e pronës Castelguelfo, në pronësi të familjes Rovagnati.

Dy viktimat e tjera besohet të jenë pilotët e helikopterit, shkruajnë mediat e huaja, përcjell Telegrafi.

Raportohet e Prokuroria e Parmës dhe Agjencia Kombëtare e Italisë për Sigurinë e Fluturimeve kanë nisur hetimet për shkakun e rrëzimit.

Ndërsa një inspektor i aviacionit do të dërgohet për të koordinuar me autoritetet.

Ndryshe, mjegulla e dendur kishte mbuluar zonën gjatë gjithë pasdites dhe dukshmëria e dobët, e kombinuar me errësirën, mund të ketë luajtur një rol në aksident.

Raportet paraprake sugjerojnë se helikopteri po ngrihej, por mund të ketë pasur vështirësi për të fituar lartësinë përpara se të përpiqej të kthehej në tokë.

Hetuesit do të shqyrtojnë nëse ishte paraqitur një plan fluturimi dhe nëse kontrolli i trafikut ajror ishte alarmuar.

Ata gjithashtu do të përcaktojnë nëse helikopteri goditi një objekt përpara se të zbriste. /Telegrafi/