Rreth 100 të lënduar pas ikjes në turmë në Seul – pamjet tregojnë njerëzit e shtrirë në rrugë me probleme të frymëmarrjes

Rreth 100 persona u lënduan dhe një numër i papërcaktuar njerëzish dyshohet se humbën jetën pasi u shtypën nga një turmë e madhe që po shtynte përpara në një rrugë të ngushtë gjatë festimeve të Halloween-it në Seul, thanë zyrtarët e Koresë së Jugut.

Choi Cheon-sik, një zyrtar nga Agjencia Kombëtare e Zjarrfikësve tha se rreth 100 njerëz u raportuan si të lënduar gjatë turmës në mbrëmjen e së shtunës në distriktin Itaewon dhe rreth 50 po trajtoheshin për arrest kardiak që nga e diela herët (koha lokale në Korenë e Jugut).

Choi tha se besohej se njerëzit u shtypën për vdekje pasi një turmë e madhe filloi të shtyhej përpara në një rrugicë të ngushtë pranë Hotel Hamilton, një vend i madh feste në Seul.

Ai tha se më shumë se 400 punonjës të urgjencës dhe 140 automjete nga i gjithë vendi, duke përfshirë të gjithë personelin në dispozicion në Seul, u vendosën në rrugë për të trajtuar të lënduarit.

Zyrtarët nuk dhanë menjëherë një numër të viktimave, pasi ende nuk është konfirmuar nga spitalet.

Agjencia Kombëtare e Zjarrfikësve tha veçmas në një deklaratë se zyrtarët ende po përpiqeshin të përcaktonin numrin e saktë të pacientëve të urgjencës.

Pamjet e shpërndara në rrjetet sociale tregojnë njerëzit e shtrirë në rrugë derisa ekipet e urgjencës po i jepnin ndihmën e parë, pasi kishin probleme me frymëmarrje. /Telegrafi/

South Korean officials say around 50 people are in cardiac arrest and a number feared dead after being crushed by a large crowd on a narrow street during Halloween festivities in the capital #Seoul.

About hundred thousand people came out to the streets to celebrate Halloween. pic.twitter.com/GOnFDymipN

— NEXTA (@nexta_tv) October 29, 2022