Rregullat për përdorimin e armëve amerikane në Rusi “nuk kanë ndryshuar” – thotë Shtëpia e Bardhë

Shtëpia e Bardhë thotë se politika e saj ndaj Ukrainës për përdorimin e armëve të saj për të goditur më thellë Rusinë nuk ka ndryshuar.

Sipas mediave të huaja, përcjell Telegrafi, një politikë e tillë është bërë një pikë mosmarrëveshjeje midis Ukrainës dhe aleatëve të saj në dritën e inkursionit të rrufeshëm të Kievit në Kursk.

Ukraina ka bërë thirrje publikisht për leje më të gjerë për të përdorur armë për të sulmuar në mënyrë proaktive Rusinë, por disa vende perëndimore që e furnizojnë me ato armë, mbeten ngurruese.

“Ajo që do të them është se politika jonë nuk ka ndryshuar. Thjesht nuk kam asgjë tjetër për t’i shtuar kësaj”, ka thënë sekretarja e shtypit Karine Jean-Pierre, kur u pyet nëse administrata e kishte menduar më këtë çështje.

Politika e SHBA-së lejon sulmet e Ukrainës në Rusi nga ku vijnë sulmet – një pozicion “më dorëlirë” se sa ishte marrë fillimisht.

Por administrata e Joe Biden ende kufizon përdorimin e armëve të saj për sulme me rreze të gjatë në Rusi.

Nuk e ka përcaktuar publikisht “diapazonin e gjatë”.

Por mediat raportuan se SHBA po bllokonte një kërkesë britanike për të mbështetur përdorimin e raketave britanike Storm Shadow në Rusi. /Telegrafi/