Rooney: Alcantara te Liverpooli do të ishte një nënshkrim më i mirë se Messi te Man City

Lionel Messi ka qenë i lidhur fort me një transferim te Manchester City, por Wayne Rooney beson se lëvizja e mundshme e Thiago Alcantara në Liverpool do të ishte një nënshkrim më i mirë.

Ish-sulmuesi i Manchester Unitedit është i sigurt se Reds dhe City do të jenë konkurrentët kryesorë për të fituar titullin e Ligës Premier sezonin e ardhshëm.

“Unë mendoj se është City ose Liverpooli do ta fitojnë trofeun e Ligës Premier”, ka thënë fillimisht Rooney për talkSport.

Lexo po ashtu Thiago Alcantara thuhet se ka arritur marrëveshje personale me Liverpoolin

“Dhe nëse Liverpooli e merr Thiagon nga Bayern Munichu, unë mendoj se gjithçka kryhet rreth titullit”.

“Kjo është një nënshkrim më i mirë sesa Messi nëse shkon te Manchester City”.

Rooney është i bindur se Messi mund të përshtatet shpejt në futbollin anglez në rast se ai do të bashkohet me Qytetarët këtë verë.

“Messi ka gjithçka – ai mund të krijojë gola, të shënojë gola, të diktojë ndeshjen dhe është lojtari më i mirë i të gjitha kohërave”.

Lexo po ashtu Rooney i jep fund debatit duke zgjedhur më të mirin mes Ronaldos dhe Messit

“Ai është një nga lojtarët e vetëm që unë jam ulur dhe e kam shikuar dhe thjesht kam qenë i frikësuar për arritjet e tij”.

“Unë luajta me Cristiano Ronaldon dhe të dy kanë vendosur një standard që nuk mendoj se do ta shohim përsëri. Por, për mua, Messi është një nivel tjetër”, përfundoi anglezi. /Telegrafi/