Ronaldo shqetësohet nëse do të largohet nga Man Utd në verë

Sulmuesi portugez, Cristiano Ronaldo është në agoni nëse do të largohet nga Manchester United këtë verë.

Sipas The Sun, Ronaldo, i cili mbushi 37 vjeç javën e kaluar, mësohet se u ka thënë miqve se po ndjen moshën e tij për herë të parë në karrierën e tij të gjatë dhe të shquar me trofe.

Legjenda portugeze nuk do ta pranonte kurrë publikisht se kërkesat e Ligës Premier po bëhen të tepërta – edhe për një lojtar të përgatitur fizikisht si Ronaldo.

Lexo po ashtu Ronaldo i zhgënjyer te Man Utd, planifikon bisedime me agjentin e tij për të definuar të ardhmen

Por, Ronaldo mund të kërkojë të shkurtojë kohën e tij dhe të braktisë rikthimin e tij të planifikuar dy-vjeçar në United.

Kjo ndodh nëse situata e tij dhe e ekipit nuk ndryshon në Old Trafford.

Sulmuesi veteran nuk ka shënuar në gjashtë paraqitje këtë vit dhe u mbajt në stol në pjesën më të madhe të barazimit 1-1 të së martës në Burnley.

Lexo po ashtu Ky rast i artë i humbur nga Ronaldo tregon më se miri formën e tmerrshme që po e kalon ylli portugez

Skuadra e Unitedit është shumë më inferiore sesa ajo ku luajti nën drejtimin e Sir Alex Ferguson dhe ai mendon se ky është faktori kryesor në formën dhe ndikimin e tij të luhatshëm.

Por, Ronaldo gjithashtu e pranon se duhet të punojë më shumë se kurrë për të qëndruar në formën e nevojshme për të luajtur në nivelin më të lartë, veçanërisht në sistemin e menaxherit të përkohshëm, Ralf Rangnick, i cili pëlqen që lojtarët të luajnë me presing të lart dhe fort. /Telegrafi/