Ronaldo i kërkon Perezit të përfitojë nga interesimi i Cityt për Iscon, kërkon Silvan si pjesë të shkëmbimit

Ylli i Real Madridit Cristiano Ronaldo i ka kërkuar presidentit Florentino Perez të përfitojë nga interesimi i Manchester City në Isco dhe të përpiqet të fitojë shërbimet e Bernardo Silvas si shkëmbim.

E ardhmja e Iscos te Real Madridi është në dyshim dhe spanjolli gjatë verës mund të largohet nga Santiago Bernabeu.

Ekipet më të interesuara për transferimin e Iscos janë ato angleze, por interesimi për të nuk mungon as nga Serie A.

Lexo po ashtu Man Unitedi njofton agjentin e Iscos: Ne bëjmë ofertë më të mirë se çdo ofertë që paraqet City

City janë të preferuarit për të nënshkruar me mesfushorin spanjoll në fund të këtij sezoni pasi agjenti i tij ishte parë në Madrid në një takim dy javë më parë me zyrtarët e Cityt në një restorant lokal.

Sipas mediumit Don Balon, trajneri i Cityt, Pep Guardiola dëshiron të nënshkruajë me Iscon – dhe një marrëveshje duket e mundshme.

Megjithatë, Ronaldo i ka kërkuar Perezit të përdorë interesin e tyre për të diskutuar sjelljen e Bernardo Silva në Madrid.

Lexo po ashtu Perez i ofron Chelseat para plus njërin nga tre yjet e klubit për Hazardin

Ronaldo është një tifoz i madh i shokut të tij te Portugalia dhe beson se loja e tij do t’i përshtatet më mirë se ajo e Iscos sistemit të tyre.

Para disa javësh u raportua se presidenti Perez ka menduar ta përfshijë Iscon në marrëveshjen për transferimin e Eden Hazardit. /Telegrafi/