Roma refuzon ofertën e Realit për Alissonin

Mediat italiane raportojnë se Roma ka refuzuar një ofertë të Real Madridit në drejtim të portierit të tyre, Alisson Becker.

Alisson ka bërë përshtypje të mëdha këtë sezon pas paraqitjeve brilante me fanellën e Romës në Serie A dhe Ligën e Kampionëve.

Arritja e kualifikimit në Ligën e Kampionëve për sezonin e ardhshëm, por edhe kalimi deri në gjysmëfinale të kësaj gare këtë vit janë meritë e madhe e brazilianit.

Lexo po ashtu Real Madridi ka gati ofertën për Alissonin

Këto paraqitje kanë bërë që portieri brazilian të jetë një emër i nxehtë në afati kalimtar dhe të kërkohet nga shumë skuadra të mëdha evropiane.

Është gjiganti spanjoll, Real Madridi, njëra nga skuadrat më të interesuara dhe thuhet se ka bërë ofertë në drejtim të Alissonit.

Megjithatë, sipas mediumit italian Corrierre dello Sport, Roma ka hedhur poshtë një ofertë nga Real Madridi për portierin Alisson.

Lexo po ashtu Real është gati për verë, 300 milionë euro për tre super yje

Giallosossët janë të vendosur ta mbajnë portierin dhe nuk do të pranojnë asgjë ofertë më të vogël se 100 milionë euro për reprezentuesin e Brazilit.

Për Alissonin interesim kanë shprehur edhe gjiganti anglez, Liverpooli dhe ai francez, Paris Saint-Germain. /Telegrafi/