Roma pëson humbje në udhëtim te Parma

Me rezultat 2-0, Parma e ka mposhtur Romën në ndeshjen e javës së 12-të në kampionatin italian.

Nicolo Zaniolo e pati një rast të mirë në minutat e para, ndërsa në anën tjetër rrezikuan Matteo Scozzarella dhe Andreas Cornelius.

Riccardo Gagliolo për vendasit dhe Justin Kluivert për mysafirët, i patën rastet e fundit në gjysmën e parë që u mbyll pa gola.

1⃣5⃣ minuti alla fine del match, forza Crociati!
🔥💛💙#ParmaRoma pic.twitter.com/m0PlzeGQSo

— 𝐏𝐚𝐫𝐦𝐚 𝐂𝐚𝐥𝐜𝐢𝐨 𝟏𝟗𝟏𝟑 (@1913parmacalcio) November 10, 2019

Giallorossët u përpoqën të rrezikonin në fillim të pjesë së dytë, mirëpo ishin nikoqirët ata që shënuan. Mattia Sprocati pranoi një top nga Riccardo Gagliolo dhe shënoi (68′).

Në vazhdim, lojtarët vendas patë tri raste të njëpasnjëshme, porse edhe romakët tentuan të shënonin përmes lojtarëve të tyre, por pa sukses.

Dhe kur po pritej fishkëllima e fundit e gjyqtarit, nikoqirët e vulosën fitoren me golin e dytë të shënuar nga Andreas Cornelius (90’+3) që ishte një gol i bukur.

⚽ 93' GOOOOOOOOOOOOOOOOOLLL!!!#Cornelius raddoppia in contropiede, andiamo Crociati!#ParmaRoma 2 – 0 pic.twitter.com/5s6FsQCIUS

— 𝐏𝐚𝐫𝐦𝐚 𝐂𝐚𝐥𝐜𝐢𝐨 𝟏𝟗𝟏𝟑 (@1913parmacalcio) November 10, 2019

Kjo ishte humbja e dytë e Romës këtë sezon dhe me 22 pikë të arkëtuara qëndron në vend të gjashtë. Parma ka arkëtuar 17 pikë dhe mban vendin e tetë në tabelë. /Telegrafi/

⏳ Full Time al Tardini!#ParmaRoma 2 – 0 pic.twitter.com/06W2dUrVZc

— 𝐏𝐚𝐫𝐦𝐚 𝐂𝐚𝐥𝐜𝐢𝐨 𝟏𝟗𝟏𝟑 (@1913parmacalcio) November 10, 2019