Roma e ka shënjestruar mbrojtësin e krahut të Arsenalit, Sead Kolasinac – raporton Sky Sport Deutschland.
Giallorossët ditë më parë i kanë siguruar shërbimet e Pedro Rodriguezit, i cili ka nënshkruar kontratë trevjeçare.
Klubi nga kryeqyteti italian planifikon të bëjë përforcime të tjera gjatë verës, ndërsa Paulo Fonseca dëshiron mbrojtës të rinj krahu.
Sipas Sky Sport Deutschland, Roma e ka kthyer interesimin kah 27-vjeçari, për të cilin ishte interesuar edhe në dimrin e kaluar.
Kolasinac iu bashkua Arsenalit në vitin 2017 nga Schalke 04, ndërsa vlera aktuale e boshnjakut është rreth 16 milionë euro. /Telegrafi/