Roma ka gjetur sulmuesin rezervë për edicionin e ardhshëm, pasi kanë rikthyer në Atletico Madrid kroatin Nikola Kalinic.
Përsëri ai do të vije nga Madridi, por kësaj radhe nga skuadra e parë e kryeqytetit spanjoll.
Fjala është për sulmuesin spanjoll Borja Mayoral i cili është nën kontratë me Real Madridin, por që kishte kaluar si huazim në disa klube së fundmi.
23-vjeçari kishte kontratë deri në vitin 2021 me Los Blancos, por e ka vazhduar atë për një vit deri në vitin 2022.
Roma dhe Real Madrid kanë arritur marrëveshje për huazimin e lojtarit për një edicion, ku Giallorosët do të kenë mundësi të blerjes së tij.
Klubi nga kryeqyteti italian e ka një mundësi për blerjen përfundimtare të lojtarit në vitin 2021 për një shumë prej 10 milionë.
Mayoral ka pranuar që t’i bashkohet Romës si sulmues rezervë i Edin Dzekos, ndërsa Giallorosët kanë fituar garën me Lazion për shërbimet e spanjollit. /Telegrafi/
