Rod Stewart marton djalin e tij në Kroaci, në një dasmë të madhe në Dubrovnik

Muzikanti i famshëm britanik Rod Stewart u shfaq në rrjetet sociale pasi djali i tij Liam u martua me kroaten Nicole Artukovich në Dubrovnik këtë fundjavë.

“Jam jashtëzakonisht krenar që kam qenë dëshmitar i ceremonisë së bukur të dasmës së djalit tim Liam dhe nuses së tij Nicole. Çfarë kombinimi i mrekullueshëm i familjes Stewart dhe familjes Artukovich. Le të vazhdojnë të gjejnë gëzim, dashuri dhe të qeshura sa të jenë gjallë dhe le të kenë shumë bebe të tjera për t’iu bashkuar djalit të vogël njëvjeçar Louie”, ka shkruar Rod me një fotografi në grup përpara kishës së St. Ignatius në Dubrovnik, ku u zhvillua dasma.

Postimi mori më shumë se 33,000 pëlqime në vetëm pak orë.

View this post on Instagram

A post shared by Sir Rod Stewart (@sirrodstewart)

Dasma luksoze u zhvillua në kalanë Lovrijenac, ku të ftuarit u argëtuan deri në orët e vona të natës.

Petar Grašo është shfaqur si i ftuar surprizë dhe ka kënduar disa nga hitet e tij për të sapomartuarit.

Nicole dhe Liam kanë kaluar shumë mirë në dasmën e tyre dhe në një moment dhëndri i kapur nga atmosfera ka hequr këmishën dhe ka kërcyer me të ftuarit.

Çifti planifikon të kalojë edhe disa ditë në Dubrovnik, pas së cilës do të udhëtojnë drejt Italisë. /Telegrafi/