Rita Ora mbush 28 vjet, merr urime prej fansave dhe familjarëve

Rita Ora konsiderohet si një ndër këngëtaret më të suksesshme shqiptare në rrafshin ndërkombëtar.

Bukuroshja jonë ka edhe një arsye më tepër për të qenë e lumtur gjatë ditës së sotme.

Ajo sot ka mbushur plotë 28 vjet dhe kjo ka bërë që të merr urime të shumta nga fansat anembanë botës si dhe familjarët.

https://www.instagram.com/p/Bqns8eVgX2u/

Këngëtarja depërtoi në skenën muzikore pas publikimit të këngës “Hot Right Now” (2012) në bashkëpunim me DJ Fresh.

Rita lindi më 26 nëntor të vitit 1990 në Prishtinë, ndërsa akoma pa mbushur një vit, familja e saj u zhvendos në Londër.

Biondina u rrit në Kensington dhe u shkollua në “Sylvia Young Theatre School”. Me muzikë nisi të merrej që e re duke kënduar në një lokal në Kilburn, ndërsa në vitin 2009 deshi të konkurronte për ta përfaqësuar Britaninë e Madhe në Eurovision, mirëpo u tërhoq.

Pas lansimit të këngëve, si “R.I.P” dhe “How We Do (Party)” në vitin 2012, këngëtarja njoftoi se do ta titullonte “Ora” albumin e saj debutues, i cili u lansua më 27 gusht 2012 dhe po ashtu debutoi në krye të top-listave britanike.

Në vazhdim, Rita u zgjerua edhe në televizion dhe në film, ndërsa në vitet 2013 dhe 2014 ishte nikoqire e Teen Awards të BBC Radio 1 dhe u paraqit si trajnere në ‘The Voice UK’.

Këngëtarja e provoi veten edhe si aktore duke u paraqitur në disa filma duke përfshirë edhe aktrimin në trilogjinë, “Fifty Shades of Grey”, ku e ka portretizuar motrën e Christian Grey, Mia.

Lexo po ashtu Të gjitha lajmet rreth Rita Orës

Ndryshe, Ora së fundi ka publikuar albumin e dytë të titulluar me emrin “Phoenix”, i cili në shumë shtete është numër një për nga numri i shitjeve. /Telegrafi/

https://www.instagram.com/p/BqiM8g2HBCY/

https://www.instagram.com/p/BqhGxtyHGAP/

https://www.instagram.com/p/BqZobJCn02p/