RIT Kosova (A.U.K) feston 20 vjetorin e themelimit, fondet e mbledhura u mundësojnë studentëve edukim amerikan në RIT Kosova (A.U.K)

Në evenimentin vjetor të mbledhjes së fondeve “Support Kosova’s Next Success Story”, e organizuar nga RIT Kosova (AUK), pjesëmarrës ishin shumë fytyra të njohura publike.

Fondet e mbledhura në këtë eveniment u mundësojnë studentëve me burime financiare të kufizuara nga Kosova dhe jashtë saj të përfitojnë një edukim dhe shkollim amerikan të cilësisë së lartë në RIT Kosovo (A.U.K).

Presidenti, Dr.Kamal Shahrabi në fjalën e tij hyrëse tha se fakulteti, stafi, partnerët, miqtë dhe familja, kanë luajtur rol integral në historinë e suksesit të RIT Kosova.

“Duke qëndruar sonte para jush është një nder i veçantë si dy dekada të ngjashme të arritjeve, rritjes, suksesit dhe komunitetit të jashtëzakonshëm. Kjo arritje historike nuk është vetëm një dëshmi e vendosmërisë dhe punës sonë të palodhshme, por gjithashtu një mbështetje e qëndrueshme e secilit prej jush. Fakulteti, stafi, partnerët, miqtë dhe familja jonë, të gjithë ju keni luajtur një rol integral në historinë tonë të suksesit. Teksa mbildhemi këtu, le të kujtojmë dhe vlerësojmë vizionarin që vuri themelet dhe përkushtimin e këtij institucioni”, shtoi ai tutje.

Për punën e lavdishme të këtij institucioni, është ndjerë krenar edhe Jeffrey M.Hovenier, ambasadori i SHBA-së në Republikën e Kosovës.

“Me siguri do e dëgjojmë shumë sonte, por kjo është për të uruar RIT pasi feston 20 vjetorin e operimit këtu në Kosovë. Ky është një moment i madh historik dhe është me vend që jemi mbledhur për ta festuar këtë mbrëmje këtu. RIT Kosova ka qenë ofrues i këtij stili të edukimit që nga themelimi i tij. Kjo ide që e mbështet vizionin tonë të gjerë strategjik të qeverisë amerikane për Kosovën, të një shteti sovran, demokratik, të suksesshëm, modern evropian, multietnik. Ne jemi krenarë për atë që po mundohemi të arrijmë këtu, jemi krenarë për mbështetjen që u japim njerëzve në Kosovë në shumë mënyra, por jemi veçanërisht krenarë për partneritetin tonë me RIT”, vazhdoi tutje M.Hovenier.

Znj. Nancy Y.Bekavac, kryetare e bordit të besuar të RIT Kosovë (A.U.K) shprehu mirënjohjen për dikë që na ka njohur gjatë gjithë kohës e që ishte si folës kryesor aty.

“Sonte mblidhemi për të festuar 20 vjetorin e AUK-ut, dhe si folës kryesor kemi dikë që na ka njohur gjatë gjithë kësaj kohe. Fillimisht shërbeu në Kosovë para luftës dhe më pas u kthye menjëherë pas armëpushimit. Dhe në atë kohë, ai ishte kritik në projektimin dhe rekrutimin e të tjerëve që ishin të interesuar të themelonin një universitet Amerikan”.

Michael McClellan, ish diplomati i parë amerikan në Kosovë dhe tani këshilltar i Presidentit të Universitetit Amerikan të Irakut – Bagdad, tha se inteligjenca, dëshira, ambicia dhe talenti i madh ekziston në mesine të rinjëve të Kosovës.

“Duke u bashkuar me ju këtu sonte, pasi ne festojmë jo vetëm të kaluarën, pra 20 vjetorin e AUK-ut, por edhe të ardhmen, teksa shikojmë të mbështesim historinë e ardhshme të suksesit të Kosovës. Dhe më pëlqen të mendoj se ajo fjalë duhet të jetë shumës, sepse ne në të vërtetë po flasim për shumë histori, jo vetëm për një. Dhe e di që pa dyshim se ka shumë prej këtyre historive që presin të tregohen në Kosovë, teksa vjen çdo gjeneratë e re e të rinjve në moshë për të filluar studimet universitare. Ne e dimë se ka shumë histori të tilla që presin të zhvillohen, sepse ne e dimë inteligjencën, dëshirën, ambicien dhe talentin e madh që ekziston në mesin e të rinjëve të këtij vendi”, vazhdoi McClellan.

Lona Arifi, studente dhe përfituese e bursës TIVE në RIT Kosovë (A.U.K) tha se RIT Kosova (A.U.K) shërben si një urë lidhëse drejt njohurive që i jep çdo studenti fuqinë për të bërë një ndikim pozitiv përtej klasës.

“Ndihem e nderuar që jam këtu sonte, si studente aktuale e RIT-it në Kosovë, përfituese e bursës dhe një tigreshë krenare e këtij komuniteti të madh. Ajo që më jep një nder edhe më të madh është të jem këtu përballë secilit prej jush, të cilët në një mënyrë ose në një tjetër keni ndryshuar jetën e kaq shumë bashkëmoshatarëve të mi. RIT na ka mësuar se është më shumë se thjesht një institucion. Është një komunitet ku ju bëni pjesë. Aty ku dekani ju përqafon në korridor, ku ju duhet të sillni çokollata nëse vonoheni në klasë dhe në fund, ku ndiheni gjithmonë të vlerësuar”, u shpreh ajo.

Në këtë natë gala, Telegrafi i renditur si portali i parë më i besueshëm për informacionet politike krahasuar me portalet tjera në Kosove, është nderuar me çmimin “Gold Sponsor”.

Përpos Telegrafit, në këtë natë me çmime u nderuan edhe FINCA Kosovë, Rochester Institute of Technology, Elvin Guri, Zagragja & Associates, Marigona Hill, Venus Hotel, Pozhegu Brothers  si dhe Michael McClellan, ish diplomati I pare Amerikan në Kosovë dhe tani këshilltar i Presidentit të Universitetit Amerikan të Irakut, për kontributin e tij në thelemit e RIT Kosova (A.U.K).

Të pranishmit ishin në shoqërimin e tingujve të muzikës së këngëtares Nita Latifi.

Fondet e mbledhura në ngjarjen “Support Kosova’s Next Success Story” do t’iu mundësojnë studentëve të përfitojnë edukim amerikan në RIT Kosova (A.U.K).