Rekord i ri i nxehtësisë ndërsa ‘Lucifer’ përfshin Italinë

Autoritetet rajonale në Sicili regjistruan temperatura prej 48.8 gradë Celsius të mërkurën pasi një anticiklon i quajtur “Lucifer” përfshiu vendin – i cili nëse konfirmohet do të ishte një rekord i ri i Italisë.

Sipas mediave të huaja, përcjell Telegrafi, temperatura e nxehtë u regjistrua pranë Siracuse, duke tejkaluar rekordin e të gjitha kohërave të Italisë prej 48.5 gradë në Sicili në vitin 1999, megjithëse një zëdhënës i shërbimit meteorologjik kombëtar i tha AFP-së se kjo ende duhej të vërtetohej.

Diku tjetër në jug të Italisë, anticikloni ishte parashikuar të dërgonte merkurin në 39-42 gradë para se të “shkonte” për në veri, me temperatura të fundjavës deri në 40 gradë në rajonet qendrore të Toskanës dhe Lazios, që përfshin Romën.

Ouch! Europe has just witnessed its highest temperature in recorded history.

+48.8°C at Siracusa, Sicily (IT) 🇮🇹 pic.twitter.com/seFHDMiM4f

— Scott Duncan (@ScottDuncanWX) August 11, 2021

Ndërsa kryeqyteti u përball me temperatura të larta të mërkurën, turistët kërkuan hije dhe ujë.

Por vapa ka ngritur frikën për zjarret që kanë përfshirë Sicilinë dhe rajonin e Kalabrisë gjatë gjithë verës, shumë të shkaktuara nga zjarrvënie, por të nxitura nga erërat e ngrohta dhe toka e thatë dhe bimët.

Zjarrfikësit thanë të mërkurën më herët se kishin regjistruar 300 ndërhyrje në 12 orët e fundit, ndërsa një 77-vjeçar vdiq nga djegiet e marra gjatë përpjekjes për të strehuar tufën e tij në fshat pranë Reggio Calabria.

Ndërkohë diku tjetër në Kalabri, zjarret kërcënuan vargmalin malor Aspromonte, të caktuar si një zonë e UNESCO -s me rëndësi gjeologjike ndërkombëtare. /Telegrafi/

Flames stretched across the hills near Geraci Siculo in Sicily, as authorities continue to battles fires on the Italian island.

The wildfires have caused Sicily's government to declare a state of emergency. https://t.co/A8NYu6umTP pic.twitter.com/Pvh8yA4gJu

— ABC News (@ABC) August 11, 2021