Refuzoi Bayernin dhe pesë milionë euro në vit, për sulmuesin Arp më shumë rëndësi ka shkolla

Jann Fiete Arp është njëri nga lojtarët më të talentuar në Gjermani.

Edicionin e kaluar, Arp debutoi në Bundesliga me Hamburgin ku arriti të shënonte edhe dy gola me vetëm 17 vite.

Shkëlqimi i tij bëri që gjiganti gjerman Bayern Munich të bënte ofertë për ta transferuar atë.

Bavarezët ofruan 10 milionë euro, shumë që e kënaqte Hamburgun por në fund erdhi përgjigja negative nga lojtari.

Arp vendosi ta refuzonte Bayernin dhe pagën vjetore prej pesë milionë eurove në stinor.

18-vjeçari e mori këtë vendim pasi qëllimi i tij është fillimisht të studioj në Hamburg të jetë dikush në të ardhmen.

“E kam refuzuar Bayernin pasi dua të studioj, dua të jem dikush në të ardhmen dhe jo vetëm një person që di ta godas topin”, tha Arp.

Me këtë deklaratë Arp ka çuditur të gjithë në Gjermani, pasi ëndrra e çdo futbollisti gjerman është të luaj për Bayernin.

Gjithsesi Arp po vazhdon të jetë pjesë e Hamburgut në Bundesliga 2 dhe synon ta ndihmoj ekipin e tij të rikthehet në elitën e futbollit gjerman. /Telegrafi/