Referendumi nga i cili mund të “tmerrohet” edhe Amerika e Jugut, Maduro dëshiron të aneksojnë një pjesë të Guajanës së pasur me naftë

Venezuelianët po vendosin në një referendum nëse vendi i tyre duhet të formojë shtetin e ri federal në një pjesë të madhe të territorit të vendit fqinj të pasur me naftë, Guajana.

Siç raporton CNN, Guajana tha se ky referendum në Venezuelë është një hap drejt aneksimit të territorit të huaj, transmeton Telegrafi.

Televizioni amerikan kujton se kjo deklaratë po ndodh në një moment shqetësimi për një konflikt të mundshëm ushtarak mes këtyre dy vendeve të Amerikës së Jugut.

Zona e diskutueshme – rajoni me pyje të dendur Essequibo – thuhet se mbulon rreth dy të tretat e territorit të Guajanës, dhe është afërsisht sa madhësia e shtetit amerikan të Floridës.

Venezuela ka pretenduar prej kohësh Essequibo, duke cituar se rajoni ishte pjesë e territorit të saj gjatë sundimit kolonial spanjoll.

Autoritetet në Karakas refuzojnë një vendim arbitrazhi ndërkombëtar të vitit 1899 që vendosi kufijtë aktualë me Guajanën, kur vendi ishte ende një koloni britanike.

Presidenti i Venezuelës Nicolas Maduro, i cili tashmë ka votuar në referendum, më parë e prezantoi këtë deklaratë në mitingje si një luftë kundër imperializmit.

Guajana e vlerësoi kërcënimin e aneksimit të Essequibo në Venezuelë si “ekzistent”, dhe zyrtarët e këtij vendi të vogël e krahasuan referendumin dhe zhurmën e armëve në rajon me pushtimin rus të Ukrainës.

Gjykata Ndërkombëtare e Drejtësisë në Hagë vendosi të premten, pas aplikimit të Guajanës, se “Venezuela duhet të abstenojë nga referendumi”, por Karakasi tha se do ta mbajë atë pavarësisht nga vendimit.

Guajana është një vend i varfër dhe pak i populluar me rreth 800 mijë banorë, transformimi i përshpejtuar i të cilit filloi në vitin 2015 kur kompania amerikane “Exxon Mobil” gjeti naftë në brigjet e Essequibo, dhe kur Venezuela rriti interesin e saj për rajonin e diskutueshëm.

Zbulimi i naftës i ka lejuar qeverisë së Guajanës të korrë miliarda dollarë të ardhura në vit, dhe vendi mund të kapërcejë Venezuelën në shfrytëzimin e “arit të zi” për t’u bërë prodhuesi më i madh në botë i naftës për kokë banori. /Telegrafi/