Reali po mendon të nënshkruajë me Aymeric Laporten, por ka një pengesë

Aymeric Laporte mund të largohet nga Arabia Saudite për tu rikthyer në Spanjë dhe të nënshkruajë me Real Madridin.

Qendërmbrojtësi spanjoll ka pasur paraqitje fantastike me Kombëtaren e Spanjës në Euro 2024 duke u shpallur kampion të Evropës.

Aktualisht, mbrojtësi luan për Al Nassr në Arabinë Saudite , por dëshira e tij për të konkurruar në një nivel më të lartë dhe për t’iu bashkuar klubit të bardhë është tejet e madhe.

Lexo po ashtu Objektivi i madh i Real Madridit kërkon të largohet nga klubi aktual

Me largimin e Nacho Fernandez dhe pasigurinë për të ardhmen e Antonio Rudiger, Real Madrid e ka identifikuar Laporten si përforcimin ideal për mbrojtjen e tij.

30-vjeçari është i gatshëm të heqë dorë nga paga e tij e lartë në Arabinë Saudite për të përmbushur ëndrrën e tij për të veshur fanellën e Real Madridit.

Lexo po ashtu Real Madridi në ‘gjah’ për një mbrojtës të ri, interesohet për dy yjet me eksperiencë të madhe

Megjithatë, pengesa kryesore është vetë Al Nassr, i cili nuk është i gatshëm të heqë lehtësisht një nga shtyllat e tij mbrojtëse.

Siç raporton El Larguero, klubi saudit heziton të negociojë largimin e Laportes, duke komplikuar kështu planet e klubit madrilen. /Telegrafi/