“Reali është klubi më i mirë në botë”

Theo Hernandez beson se Real Madridi është ‘klubi më i mirë në botë’ dhe ka falënderuar shokët e tij të ri që e kanë mirëpritur atë në klub.

Mbrojtësi i majtë spanjollë bëri paraqitjen e tij të parë me fanellën e Real Madridit gjatë humbjes në penallti të së dielës ndaj Manchester Unitedit, ku ai fitoi një penallti gjatë ndeshjes.

Lexo po ashtu Unitedi mposht Realin me anë të penalltive (Video)

Hernadnez është parë i lumtur më debutimin e tij te Reali, teksa nuk ka ngurruar të shprehet se janë klubi më i mirë në botë, dhe ka lavdëruar bashkëlojtarët e tij dhe trajnerin Zidane.

“Çdokush më ka dhënë mirëseardhje të ngrohtë dhe jam shumë i lumtur që jam këtu me ta, ky është klubi më i mirë në botë”, ka thënë fillimsht Theo për Marca.

Lexo po ashtu Hernandez: Dua të bëhem më i miri në botë në anën e majtë

“Unë jam mbështetur nga të gjithë shokët e mi dhe sidomos nga spanjollët e tjerë këtu, jam shumë mirë me ta”.

“Para ndeshjes [Zinedine Zidane] më tha të luaja vetëm lojën time; Jam shumë i lumtur që kam luajtur ndeshjen time të parë dhe kam fituar penalltinë”.

“Ne punuam shumë dhe kjo ishte një performancë e mirë. Manchester Unitedi ka luajtur më shumë lojëra, por kemi garuar mirë. U ndjeva rehat, i lumtur. Tani unë duhet të vazhdoj të rritem dhe të mësoj”, përfundoi spanjolli. /Telegrafi/