Real Madridi rivalizon Barçën për Alaban

David Alaba ka futur në ‘luftë’ dy skuadrat e mëdha spanjolle, Barcelonën dhe Real Madridin.  

Edhe pas përfundimit të kampionateve shtetërore “pritet të zhvillohet” një El Clasico mes Barçës dhe Realit.

Megjithatë, kjo nuk pritet të ndodh në fushën e lojës, por në tregun e transferimeve.

Lexo po ashtu Lista e mbrojtësve të majtë që Messi i ka kërkuar Barçës t'i monitorojë gjatë verës

Është mbrojtësi i Bayern Munichut, austriaku Alaba, i cili iu intereson dy skuadrave të mëdha dhe pritet ta rivalizojnë njëra-tjetrën.

Së pari ishin gjigantët katalunas ata të cilët shprehen interesim për reprezentuesin austriak, por tani kanë një rival të fortë.

Është Real Madridi që ka shprehur dëshirë ta transferojë austriakun dhe ka gati ofertën për të.

Lexo po ashtu Zidane i kërkon Perezit yllin e Bayernit dhe dy mbrojtës tjerë

Sipas mediumit Diario Gol, Mbretërit janë gati t’i vendosin Bavarezëve në tavolinë plot 80 milionë euro për Alaban.

Mbretërit e shohin austriakun si zëvendësues ideal afatgjatë të Marcelos, teksa joshën edhe nga mundësia që Alaba mund të luaj edhe në mesfushë dhe që është vetëm 25 vjeç dhe ka të ardhme të ndritur përpara. /Telegrafi/