Mesfusha e formuar nga Casemiro, Luka Modric dhe Toni Kroos është e pazëvendësueshme, pasi braziliani, kroati dhe gjermani kanë startuar në 8 nga 10 ndeshjet e fundit të Real Madridit .
Por te Real Madridi po mendojnë për t’i gjetur një zëvendësues ideal për futbollistin Casemiro.
Wilfred Ndidi, aktualisht lojtar i Leicester City, është në listën e Carlo Ancelottit, si zëvendësues i brazilianit.
Mesfushori nigerian, përveç interesimit të tashmen të Real Madridit, ka qenë edhe në të kaluarën objektiv i Ancelottit sa ky ishte te Evertoni.
Në fund Allan dhe Abdoulaye Doucoure ishin ata që u afruan te Everton.
Mesfushori kaloi te Leicester City në janar 2017 në vend të N'Golo Kante që shkoi te Chelsea.
Ai ka arritur në 193 ndeshje me Foxes, të shënojë 10 gola dhe të dhurojë 11 asistime, ndërsa vlera e tij në treg është rritur në 60 milionë euro. /Telegrafi/
