Real Madridi planifikon një super-ndeshje tenisi mes Nadalit dhe Federerit në Bernabeu

Real Madridi dëshiron të zhvillojë një ndeshje të madhe tenisi midis Rafael Nadal dhe Roger Federer në stadiumin mitik Santiago Bernabeu.

Presidenti i klubit, Florentino Perez shpreson të sigurojë përballjen e tenisit në Bernabeu, dhe ai u tha zyrtarëve të klubit se ai dëshiron të jetë nikoqir i këtij takimi në terrenin e tyre.

Sipas mediumit spanjoll ABC, Perez synon të vendosë një pjesëmarrje rekord botëror për këtë sport në rast se ndeshja zhvillohet në Bernabeu.

Stadiumi i Realit ka një kapacitet prej 81.055 vendesh i cili do të ishte një rekord për një ndeshje tenisi.

Rekordi aktual është 35,681 kur Kim Clijsters mundi Serena Williams në stadiumin King Baudouin në Bruksel, Belgjikë.

Nadal tashmë është informuar në lidhje me idenë dhe është i hapur për të luajtur me Federer në shtëpinë e kampionëve të trembëdhjetëfishtë evropianë.

🇨🇭 Roger Federer & Rafa Nadal 🇪🇸

What happened when these two greats of the game paired together in a doubles match?https://t.co/6ASIJVKGTP

— SPORTbible (@sportbible) July 6, 2019

Ndërsa një përplasje në Bernabeu nuk do të jetë për një Grand Slam, një ndeshje e tillë në një vend historik do të ishte një fund i përshtatshëm për dy nga më të mëdhenjtë që ka parë ndonjëherë ky sport.

Lexo po ashtu Nadal fiton për herë të katërt trofeun e US Open

Legjenda spanjolle, 33 vjeç, kohëve të fundit fitoi Grand Slam in e 19-të në karrierën e tij pasi mposhti Denis Medvedev në një ndeshje rrëqethëse me pesë sete për të fituar US Open.

Tani ai është vetëm një titull larg yllit zviceran, Federer, i cili ka plot 20 Grand Slams mbi emrin e tij.

38-vjeçari do të vazhdojë të luajë edhe për dy vjet të tjera në mes të betejës së tij për Grand Slam me rivalin Nadal. /Telegrafi/