Real Madridi i ofroi më shumë se sa United, por Varane ishte i vendosur të luante në ‘Teatrin e Ëndrrave’

Raphael Varane refuzoi një kontratë më të mirë te Real Madridi në mënyrë që të nënshkruajë një kalim te Manchester United këtë verë.

Të martën Djajtë e Kuq njoftuan se kishin rënë dakord për një marrëveshje me Los Blancos për 28-vjeçarin, me transferimin e vendosur zyrtarisht pasi të kenë përfunduar kushtet mjekësore dhe ato personale.

Tarifa e transferimit të Varane thuhet se është 50 milionë euro dhe ai gjithashtu do të jetë ndër lojtarët më të paguar të United në një marrëveshje katërvjeçare.

Lexo po ashtu Formacioni i mundshëm i Unitedit për edicionin e ri, a mund ta fitojnë Ligën Premier?

Sidoqoftë, James Ducker nga The Telegraph raporton se Varane hodhi poshtë një ofertë më të mirë të pagës te Real Madridi.

Reali ishte i dëshpëruar për të rinovuar kontratën e mbrojtësit francez dhe i ofroi atij një rritje të konsiderueshme të pagës. Ata paraqitën shumë propozime dhe më pas paraqitën një ofertë përfundimtare në mars të këtij viti.

Ishte shumë më mirë financiarisht sesa ajo që United do t’i paguajë, por Varane, pavarësisht se ishte në garë për t’u bërë kapiteni i ri i Realit, ishte i etur për një sfidë të re dhe kështu e refuzoi ofertën. /Telegrafi/