Sport Futboll Kosovë

Reagim i ri nga kompania “tiks.app”, vazhdojnë arsyetimet e llojit “sulme kibernetike” – ankohen për akuza dhe kërcënime

Para 5 vitesh

Kompania për shitjen e biletave të ndeshjes së Përfaqësueses së Kosovës, “tiks.app” ka ardhur me një reagim të ri gjatë ditës së sotme (e mërkurë).

Shitja e biletave për ndeshjen e fundit eliminatore të Euro 2020 në mes të Kosovës dhe Anglisë ka pasur të fillojë dje (e martë) nga ora 16:00.

Megjithatë, qasja në faqen e kompanisë “tiks.app” ka qenë e pamundur dhe qytetarët kanë mbetur të zhgënjyer duke mos mundur të blejnë asnjë bilete.

Dje gjatë ditës, “tiks.app” ka dalë me dy reagime për sulme kibernetike të faqes së tyre, ndërsa një i tillë i ri ka ardhur edhe sot gjatë ditës.

Ata kanë treguar se faqja e tyre po sulmohet për të pamundësuar blerjen e biletave, ndërsa në drejtim të tyre kanë ardhur akuza dhe kërcënime të rënda.

Reagimi i kompanisë “tiks.app”

NJOFTIM

Tiks.APP ka qene cak i disa sulmeve te koordinuara kibernetike, me qellim te pengesës se shitjes se biletave online, për te cilën tashmë janë ftuar organet kompetente për hetim.

Stafi jone ka punuar pa ndërprere ne 24h e fundit për te evituar këto sulme te cilat janë te koordinuara dhe i shërbejnë vetëm një grupi te ngushtë te personave keqdashës.

Disa Persona dhe Media kanë shfrytëzuar këtë situate dhe kanë publikuar materiale nxitëse qe kanë ndikuar edhe me tej ne tensionimin e situatës se krijuar.

Për publikun duhet te sqarohet se përmes “ping” nuk mund te vërtetohet disponueshmeria e sistemit apo shërbimit, sepse ato adresa janë zakonisht pajisje tjera si “router” apo “firewall” dhe janë vetëm një pjese e vogël infrastrukturës së sistemit në tërësi – këtë gjë e konfirmojnë shumë lehtë ekspertet e lëmisë.

JU INKURAJOJME qe biletat te cilat i gjeni ne tregun e zi, neper faqe te ndryshme ne internet apo ne rruge, te i raportoni menjëherë ne Polici, sepse stërshitja e biletave pa autorizim paraprak nga Organizatori mund te konsiderohet si vepër penale.

Akuzat dhe kritikat te cilat janë drejtuar kundër Tiks.APP janë te pranueshme dhe ndjejmë keqardhje te sinqerte për shqetësimet e mundshme qe mund te ju kemi sjellur – dhe me shumë sinqeritet, me te gjitha kapacitetet tona jemi munduar qe ta tejkalojmë këtë situate.

Gjithashtu, kërcënimet e adresuara te ne janë shumë serioze dhe të patolerueshme, sepse ne jemi vetëm një Kompani e cila mundohet te kryej shërbimin sipas një kontrate te caktuar.

Sot gjatë ditës, pas konsultimeve qe do te kemi me FFK dhe Policinë, do të vendoset për kohen (orën) e lëshimit të biletave të mbetura në sistemin online, për te cilën do të njoftoheni në vazhdim përmes faqes tonë ne facebook dhe Instagram.

Ju lutemi për mirëkuptim dhe ju sigurojmë se nuk ka asnjë prapavijë apo keqpërdorim nga ana jonë lidhur me gjithë këtë situatë, mirëpo duke e pasur parasysh numrin e limituar te ulëseve ne Stadiumin “Fadil Vokrri” dhe kërkesën e cila është se paku njëzetfishti i kapaciteteve te ofruara, afër 95% te klientëve nuk arrijnë te sigurojnë bileta.