Ratcliffe takohet me trajnerin e ri të Man United – strategu i premton zgjidhjen e probleme sportive

Thomas Tuchel thuhet se u takua me pronarin e ri të Manchester United, Sir Jim Ratcliffe javën e kaluar për zëvendësimin e mundshëm të Erik ten Hag, duke paraqitur planet për atë që do të bënte nëse do të bëhej trajneri i ri i klubit.

United aktualisht po shqyrton pozicionin e holandezit në klub pas asaj që ishte një edicion të mjerueshëm deri në triumfin e tyre final të FA Cup ndaj Man City.

Përfundimi në vendin e tetë në Ligën Premier ishte më i ulëti i tyre në 34 vjet dhe ata përfunduan me një diferencë negative golash – diçka krejtësisht e paimagjinueshme vetëm disa vite më parë.

Lexo po ashtu Çmenduria e Man United për lojtarin që ka shkëlqyer vetëm këtë sezon - ofron 65 milionë euro

Gazetari i BILD, Christian Falk, ka konfirmuar tani se Ratcliffe ka mbajtur së fundmi një takim ballë për ballë me Thomas Tuchel.

Falk shkroi në Twitter: “Kishte një takim në Monako të martën e kaluar midis Thomas Tuchel dhe aksionerit të ri të Manchester United, Jim Ratcliffe|.

“Tuchel zbuloi planet e tij nëse do të merrte postin e trajnerit në rast të shkarkimit të Erik ten Hag. Tuchel thuhet se i ka shpjeguar bashkëpronarit të United se si mund t’i kthejë në rrugën e duhur problemet sportive të United si Sancho dhe Mason Mount”.

“Tuchel përmendi Antonio Rudiger si shembull se ai kishte arritur tashmë në të kaluarën në kthimin e lojtarëve me potencial të madh në performancën më të mirë”, ka shtuar më tej Falk.

E ardhmja e Jadon Sancho është në ajër pas asaj që ishte një periudhë e suksesshme huazimi gjashtëmujore me Borussia Dortmund.

Anësori anglez ndihmoi klubin gjerman të arrinte në finalen e Ligës së Kampionëve pasi u bashkua në janar pas një mosmarrëveshjeje me Ten Hag.

Mount nuk ia doli kurrë të tregonte vetën pasi nënshkroi për 70 milionë euro verën e kaluar me mesfushorin sulmues që po luftonte me lëndime. /Telegrafi/