Rasti “Alfa”, Këshilli Gjyqësor: Do të vazhdojmë të punojmë për rastin

A do të kërkohet përgjegjësi për gjyqtarin Zoran Dimitrievski i cili sipas raportit të Këshillit Gjyqësor lejoi zvarritjen e procedurës penale pas ankesës së të dënuarit Almir Derlanin në rastin “Alfa”?

Kjo vonesë prej gati dy vitesh e pengon Gjykatën Penale të marrë vendim për një rigjykim të mundshëm të rastit të të dënuarit Agim Islami, shkruan “TV21”.

Edhe pse Derplanin dhe Islami u gjykuan dhe u dënuan veçmas, vendimi i Gjykatës së Apelit lidh fatet e tyre. Këshilli Gjyqësor thotë se raporti vetëm ka vërtetuar gjendjen faktike të lëndëve, ndërsa përgjegjësia do të vendoset më vonë.

“Tashmë po hyjmë në një fazë të re që nënkupton konfidencialitet dhe mbrojtje të integritetit të gjyqtarëve. Këshilli Gjyqësor do të vazhdojë të punojë në këto raste për të përcaktuar nëse dikush është përgjegjës apo jo në mënyrë që në të ardhmen të ndërmarrë veprime të tjera konform ligjit”, thonë nga Këshilli Gjyqësor.

Mbetet e diskutueshme nëse zvarritja e rastit është bërë me dashje apo nga papërgjegjshmëria. Sipas anëtarit të Këshillit Gjyqësor, Sasho Gjorgjievski, vonesa të tilla nuk duhet të tolerohen.