Ramos telefonon Ozilin: Mos iu bashko Barçës

Kapiteni i Real Madridit, Sergio Ramos ka futur veten në tratativën e Barcelonës për mesfushorin e Arsenalit, Mesut Ozil, duke tentuar ta bind gjermanin që të mos nënshkruaj me rivalët e tyre.

Ylli gjerman është jashtë kontratës verën e ardhshme dhe ka qenë shumë i lidhur me një lëvizje në Camp Nou gjatë janarit.

Megjithatë, kjo lëvizje dhe këto thashetheme nuk i kanë pëlqyer aspak ish-bashkëlojtarit të tij, kapitenit të Realit, Ramos.

Sipas mediumit spanjoll Don Balon, Ramos personalisht e ka thirrur Ozilin në një përpjekje për ta bindur atë që të mos nënshkruajë për Barçën.

Dyshja e futbollistëve janë miq të mirë dhe kanë luajtur së bashku për tre vjet gjatë magjisë së Ozilin në Santiago Bernabeu.

Ramos do ta konsideronte një tradhti nëse ish-ylli i Schalkes do të bashkohet me rivalët e mëdhenj të Realit.

Spanjolli beson se nëse Ozil lidhet me lojtarë si Lionel Messi dhe Luis Suarez do të dëmtonte seriozisht mundësitë e skuadrës së tij në luftën për titulli.

Në ditët e fundit mediat spanjolle kanë aluduar se tashmë marrëveshje personale mes yllit gjerman dhe katalunasve është arritur dhe ka mbetur vetëm edhe oferta të pranohet nga Topçinjtë. /Telegrafi/