Qumështorja ‘Vita’ zoton qiranë një vjeçare të shoqatës ‘Autizmi Flet’

Qumështorja Vita ka marrë përsipër pagesën e qirasë së 12 muajve të ardhshëm për lokalet e shoqatës ‘Autizmi Flet’ në Prishtinë. Me këtë veprim Vita ka treguar se vazhdon të jetë në përkrahje të pjesëve të margjinalizuara të shoqërisë, pasi që edhe më herët është vënë në ndihmë të fëmijëve dhe të pleqve.

“Shoqëria jonë ka nevojë për mbështetje në shumë drejtime, por ne si kompani jemi përqendruar dhe mundohemi të ndihmojmë aty ku më së shumti ka nevojë”, kanë thënë përfaqësuesit e Qumështores Vita.

Në anën tjetër shoqata ‘Autizmi Flet’, kanë falënderuar Qumështoren Vita duke thënë se kjo ndihmë krijon një bazë të fortë për ta që të vazhdojnë më tutje.

“Njerëzit e mirë dhe bizneset e përgjegjshme janë ato shtylla të shoqërisë që na mundësojnë organizatave si ne të mbijetojmë dhe të ofrojmë mbështetje për kategoritë e margjinalizuara”, kanë thënë ndër të tjera në këtë shoqatë.

Në kuadër të përgjegjësisë shoqërore Qumështorja Vita ka treguar përkushtim të vazhdueshëm në mbështetjen e kategorive të margjinalizuara të shoqërisë sonë.

Disa nga shumë aktivitetet e fundit të kompanisë kanë qenë dërgimi i dhuratave në Shtëpinë e Pleqve, në qendrat kryesore të Down Syndrom dhe qendrat tjera të autizmit në Kosovë si, sponsorizimi ngjarjes “Let’s Dance” që u mbajt qëllim të mbledhjes së fondeve për shërbime shëndetësore në të mirë të nënave dhe fëmijëve në Kosovë.

Shoqata ‘Autizmi Flet është’ krijuar nga prindërit e fëmijëve të prekur nga autizmi.

Artikull i sponsorizuar