Quique Setien shpërthen ndaj Barcelonës për pagat e papaguara dhe masat ligjore që mori – nuk kursen as Villarrealin

Ish-trajneri i Barcelonës dhe Villarrealit, Quique Setien ka denoncuar sjelljen e dy klubeve pasi u shkarkua nga detyra në dy angazhimet e tij të fundit.

Setien e pësoi shkarkimin nga pozicioni i trajnerit të Barcelonës në vitin 2020, vetëm pas shtatë muajsh nga nënshkrimi i një kontrate dyvjeçare, dhe zbuloi se kishte nevojë të merrte masa ligjore për t’iu siguruar pagesat e duhura.

“Në fillim nuk kisha ndërmend të merrja pjesë në atë takim. Por, në fund, detyrohesh të drejtohesh në gjykatë. Përfunduam të arrijmë një marrëveshje me Barcelonën vetëm pesë ditë para seancës gjyqësore. Pas 16 muajsh arritëm në një kompromis, por ata donin që unë të heqja dorë nga një pjesë e shumës së parave dhe unë nuk isha i gatshëm. Ata janë duke kryer pagesat siç duhet, por do të përfundojnë t’i paguajnë tre vjet”, zbuloi Setien.

Lexo po ashtu Ish-lojtari i La Masia rrezikon zemërimin e tifozëve të Barcelonës me deklaratën për Real Madridin

Ai shtoi se rasti i tij ishte një ndër shumë raste që kalojnë trajnerët në Spanjë.

“Ka qenë një befasi e plotë për shumë njerëz. Nuk jam në dijeni se sa trajnerë kanë bërë publike rastet e tyre – mund të jenë diku 10, 12 apo edhe 14 nga Divizioni i Parë dhe i Dytë. Ata që nuk kanë zgjidhur problemin e tyre kanë pasur nevojë të përballojnë situate të tilla, të ndikuara nga ngadalësia e sistemit gjyqësor”, vuri në dukje Setien.

Setien nuk u shpreh vetëm i pakënaqur me qasjen e Barcelonës jashtë fushës së lojës, siç bëri të ditur ai në Cadena SER. Ai gjithashtu shprehu pakënaqësi për disa rrjedhje informacioni që kanë dalë në shtyp.

Lexo po ashtu Xavi ka parë mjaft, përgatitet ta shesë lojtarin që u kushtojë 'një mal me para'

“Nuk më pëlqeu thirrja nga drejtori i përgjithshëm i klubit ku më bënë të ditur se do të më shkarkonin. Më duket veprim i papërshtatshëm, por tashmë jam mësuar me situata të ngjashme që më kanë ndodhur, si në rolin e lojtarit ashtu edhe të trajnerit. Nuk është çështje vetëm që të mos të paguajnë, por të të diskreditojnë dhe të të nxjerrin në pah kur kjo nuk ndodh. Kam shumë respekt për Villarrealin,” u shpreh më tej Setien.

Thuajse ka pasur tensione të larta midis trajnerëve dhe RFEF, me Carlo Ancelottin që u largua i irrituar nga ambientet, duke e quajtur situatën ‘kaos’. Pavarësisht këtyre tensioneve, Setien shprehu optimizëm për mundësitë e ndryshimit dhe beson se atmosfera nuk është negative. /Telegrafi/