“Pyjet e Maqedonisë” shpall thirrje për blerje të druve për vitin 2017

Është shpallur thirrja publike për blerjen e drurit për ngrohje dhe dru teknike për vitin e ardhshëm përmes Ndërmarrjes Publike “Pyjet e Maqedonisë”. Çmimi i drurit në depot e ndërmarrjes mbetet i njëjtë 2,370 denarë për një metër kub dru të ahut dhe 2,450 denarë metër kub të dushkut, përcjell Telegrafi Maqedoni.

Personat fizik të cilët dëshirojnë vetë të furnizohen me dru duhet të aplikojnë në mënyrë elektronike më së voni deri më 31 mars të viti të ardhshëm. Formularët me kërkesa janë të disponueshme në web faqen www.mkdsumi.com.mk.

Afati për aplikim për blerjen e druve përmes shoqatës së pensionistëve, individëve të punës dhe sindikatave të personave juridik është deri më 31 janar të vitit të ardhshëm, ndërsa arritja e marrëveshjes fillon nga 1 shkurti.

Vjet “Pyjet e Maqedonisë” kanë shitur dhe kanë porositur 485 mijë metër kub dru. 10 deri 15 qytetarëve të cilët këtë vit kanë arritur marrëveshje i’u janë kthyer paratë sepse dërgesa nuk është kryer në kohë./Telegrafi/