Punëtorët e një zyre qeveritare në Indi përdorin helmeta për t’u mbrojtur nga copëzat e tavanit të cilat bien mbi kokat e tyre

Punëtorët e një zyre të varfër qeveritare në Indi kanë vendosur të mbajnë helmeta gjatë punës për të shmangur përplasjen e copëzave të tavanit mbi kokat e tyre.

Këta punëtorë në “Zyrën e Zhvillimit” të qarkut Jagtial, në Telangana, janë ulur në tavolinat e tyre me helmeta të vendosura në kokat e tyre.

K. Narasimhamurthy, zyrtar i divizionit të të ardhurave tha: “Puna e atij departamenti është të zhvillojë distriktin duke u dhënë internetin fshatarëve dhe duke krijuar infrastrukturë”, raporton Daily Mail, transmeton Telegrafi.

Gjendja e tmerrshme e zyrës tregon se pse punëtorët brenda saj nuk po rrezikojnë të qëndrojnë pa helmeta.

Muret duken sikur nuk janë lyer për dekada dhe tavani po zhvishet nga muret dhe tavani, dhe në disa zona është shkëputur plotësisht, duke ekspozuar tullat.

Disa muaj më parë, një punëtor i shpëtoi për pak dëmtimit të trurit kur një pjesë e tavanit ra mbi të.

Raportet nga mediat lokale thonë se stafi ka kërkuar zhvendosjen në një ndërtesë më të sigurt. /Telegrafi/