Publikohet videoja e 13-vjeçarit që hapi zjarr në Jerusalem, sulmuesi qëlloi babë e bir – likuidohet nga civilët

Dy persona janë lënduar në një sulm terrorist në zonën arkeologjike të qytetit të Davidit në Jerusalem, që po konsiderohet si sulmi i dytë në 24 orët e fundit në Jerusalem.

Një djalë 13-vjeçar nga lindja e Jerusalemit hap zjarri në hyrje të lokalitetit arkeologjik, transmeton Telegrafi.

Në këtë sulm janë plagosur babë e bir, derisa sulmuesi adoleshent është qëlluar nga dy civilë, që kishin me vete armë dhe leje për bartjen dhe përdorimin e armëve.

Surveillance camera footage shows the shooting attack near Jerusalem's Old City. pic.twitter.com/YTLbvLrFQc

— Emanuel (Mannie) Fabian (@manniefabian) January 28, 2023

Policia izraelite aktualisht është duke tentuar të identifikojë sulmuesin, kurse në këtë rajon kanë filluar bastisjet në tentim që të zbulohet nëse sulmuesi ishte ndihmuar nga dikush tjetër.

E në mesin e të lënduarve janë një 22-vjeçar dhe një tjetër 44-vjeç, që të dy në gjendje të rëndë.

Dyshja janë dërguar me urgjencë në qendrën medicinale Shaare Zedek, ka bërë të ditur zëdhënësi i Ministrisë izraelite të Mbrojtjes.

פיגוע ירי בעיר דוד | דובר מד"א זכי הלר: "גבר בן 47 וצעיר בן 23 נפצעו באורח בינוני עד קשה עם פגיעות ירי בפלג גוף עליון. הם מטופלים בבית החולים. שניהם בהכרה מלאה" pic.twitter.com/TICmwrHwG6

— כאן חדשות (@kann_news) January 28, 2023

Në anën tjetër, zëdhënësi i Hamasit, Hazem Kasem, ka përshëndetur sulmin duke thënë se: “veprimi heroik në Silvan është një konfirmim i vazhdimit të rezistencës, në të gjitha territoret e pushtuara si dhe kundërpërgjigje për krime e pushtuesve mbi popullin palestinez”. /Telegrafi/