Diogo Dalot ka deklaruar se nuk ka më justifikime për Manchester United, pasi Sir Jim Ratcliffe dhe Sir Alex Ferguson rihapën qendrën stërvitore të klubit në Carrington, pas një rinovimi prej 50 milionë funtesh.
Skuadra e parë e United ishte e pranishme të premten kur bashkëpronari Ratcliffe preu shiritin, duke shënuar përfundimin e një projekti 12-mujor. Investimi i madh ka rritur pritshmëritë për përmirësimin e ndjeshëm pas vendit të 15-të zhgënjyes në sezonin e kaluar.
Ndër përmirësimet e reja përfshihen dhomat e lartësisë, një qendër shkencore sportive për gjurmimin e të dhënave në kohë reale, berber në ambientet e klubit dhe madje edhe urinare inteligjente për matjen e nivelit të hidratimit të lojtarëve.
“Një klub si Man United duhet të ketë mjediset më të mira në botë dhe të krijojë një vend ku ndihesh mirë. Po flas për shtëpinë tënde të dytë”, deklaroi Dalot.
“Tani nuk ka më justifikime. Ajo që bëjmë në fushë do të përcaktojë nëse e rikthejmë klubin në majë. Shumë gjëra po ndryshojnë për mirë dhe kjo na jep energji për sezonin e ri”.
Dalot përmendi edhe Cristiano Ronaldon, i cili gjatë periudhës së tij të dytë në klub ishte ankuar se fusha stërvitore nuk kishte ndryshuar që nga viti 2003.
“Jam i sigurt që Cristiano do ta pëlqente shumë nëse do ta shihte. Nëse kërkon një foto, do t’ia dërgoj!” shtoi ai me humor.
Gjatë sezonit të kaluar, United u detyrua të stërvitej në ambiente të përkohshme për shkak të punimeve në Carrington. /Telegrafi/
