PSP-ja kërkon burg për Sead Koçan dhe Aviroviq dhe konfiskim të 17 milionë eurove

Prokuroria Speciale Publike kërkoi nga të akuzuarit Sead Koçan dhe Vasilie Aviroviq të shpallen fajtorë në rastin “Trust”, kurse nga firmat “Transmet”, dhe “Sileks Nemetali” të konfiskohet pronë prej 17 milionë eurove. Koçan dhe Aviroviq janë të akuzuar se kanë falsifikuar dokumente që të jenë konkurrentë në tenderin e ELEM-it për gropimin e qymyrit në minierën “Suvodoll” në Manastirit.

Fjalët përfundimtare e prokurorit Gavrill Bubevski ishin se nëse nuk është e mund të konfiskohet prona nga firma, konfiskimi duhet të drejtohet drejt themeluesit e firmës.

“Kërkuam kërkesë alternative në kuptimin se nëse për “Transmet” kemi bllokuar pronë kurse për “Sileks Nemetali” vërtetuam se nuk ka pronë, edhe nga ato nuk mundet të konfiskohet. Nëse nuka ka mundësi të konfiskohet nga “Sileks Nemetali”, konfiskimi do të drejtohet kah themeluesi, dhe ajo është ‘RIK Sileks”, ku do të mund të paguheshin këto 17 milionë euro”, tha Gavrill Bubevski nga PSP-ja, përcjell Telegrafi Maqedoni.

Në seancën e sotme, është hequr akuza për firmë “Vato DOOEL”, nga fshati Batanci e cila ishte pjesë e konzumit i cili në mënyrë fiktive e ka formuar biznesmeni Sead Koçan.

Gjithashtu, Prokuroria tha se Safet Vasiq, nuk është më i akuzuar si kryer i veprës penale, por do të akuzohet si ndihmës, sepse është vërtetuar se ka zbatuar “veprime ndihmëse”, dhe për atë do të kërkohet dënim më i lehtë. Të akuzuarit do t’i kenë fjalët e tyre përfundimtare ditën e hënë./Telegrafi/