Telefoot në Francë raporton se Paris Saint-Germain po e rivalizon Arsenalin për huazimin e Jorginhos nga Chelsea në këtë afat.
The Blues janë të gatshëm që të heqin dorë nga mesfushori italian, derisa në verën e kaluar kërkonin 50 milionë euro nga shitja e tij, kur Juventusi ishte në garë.
Korrespodenti i Telefoot, Saber Desfarges, raporton se Arsenali është favorit në garë, por gjërat mund të ndryshojnë.
PSG është duke tentuar që të transferojë po ashtu Jorginhon, derisa mund të bindet nga Alessandro Florenzi dhe Marco Verrattin që t’u bashkohet në Parkun e Princave.
Lojtari 28-vjeçar kishte kaluar te Chelsea në verën e vitit 2018 për 57 milionë euro, mirëpo nuk po pëlqehet nga Frank Lampard.
Ai arriti të shënonte nga penalltia në fitoren 3-1 kundër Brightonit, Alisson Becker i priti penalltinë në humbjen 2-0 ndaj Liverpoolit dhe ishte në bankën rezervë në barazimin 3-3 ndaj West Bromit të shtunën mbrëma. /Telegrafi/
