E ngacmoi seksualisht një nxënëse në Gjakovë, Prokuroria kërkon paraburgim për të dyshuarin

Prokuroria Themelore në Gjakovë, ka bërë të ditur që ka paraqitur kërkesë në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditës, ndaj të pandehurit me inicialet D.Ll. për veprën penale të ngacmimit seksual.

Tutje në deklaratën e Prokurorisë Themelore në Gjakovë bëhet e ditur se për shkak të këtij veprimi, i pandehuri D.Ll. i ka cenuar viktimës dinjitetin dhe ka krijuar mjedis objektivisht frikësues, degradues dhe poshtërues.

Lexo po ashtu Ngacmohet seksualisht një nxënëse në Gjakovë nga punëtori i bufesë së shkollës – policia në kërkim të dyshuarit

“Prokuroria Themelore në Gjakovë, Departamenti i Përgjithshëm, njofton opinionin publik se ndaj të pandehurit me inicialet D.Ll., ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh. Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet D.Ll., me datë 26.03.2025 në Gjakovë, saktësisht në Shkollën Fillore të Ulët “M.K”, e ngacmon seksualisht personin tjetër, e cila është e ndjeshme për shkak të moshës, duke u përfshirë në sjellje të padëshiruar verbale të natyrës seksuale ndaj të dëmtuarës/e mitur, veprime këto me të cilat të dëmtuarës/e mitur, i ka cenuar dinjitetin dhe ka krijuar mjedis objektivisht frikësues, degradues dhe poshtërues. Me këto veprime formohet dyshimi i bazuar se i pandehuri ka kryer veprën penale Ngacmimi Seksual nga neni 183 par. 4, lidhur me par.1 të KPRK-së”, thuhet në njoftim. /Telegrafi/