Problemet që mund t’i kuptoni duke parë ndryshimet në fytyrë

Fytyra dhe paraqitja e lëkurës janë pasqyra e shëndetit por shpesh edhe e sëmundjeve, sidomos atyre të fshehura. Mjekët refuzojnë të japin diagnoza nëpërmjet simptomave të dukshme dhe për këtë arsye ata këshillojnë vizita me pacientët ose të sëmurët.

Sëmundjet që reflektohen në fytyrë

Tharja e lëkurës dhe buzëve

Në këtë rast kemi të bëjmë me një shenjë paralajmëruese të dehidratimit por edhe të hipertiroidizmit apo diabetit. Simptoma të tilla të dy sëmundjeve të fundit përfshijnë: shtim në peshë, lodhje, etje, urinim i shpeshtë, transmeton KosovaPress.

Lexo po ashtu Dermatologia këshillon: Në fytyrë dimrit aplikoni kremin e natës edhe gjatë ditës

Qime të tepërta në fytyrë

Dalja e qimeve të tepërta në fytyrë, veçanërisht në zonën e nofullës dhe pjesë së sipërme të buzës mund të sinjalizojë një problem hormonal që ka të bëjë me Sindromën e Vezores Policistike. Kjo sindromë prek shpesh femrat në moshën riprodhuese.

Njolla të verdha te qepallat

Njerëzit që vërejnë njolla të verdha ose zverdhje të qepallave janë të rrezikuar nga sëmundjet e zemrës. Kryesisht këto njolla vërehen tek njerëzit mbipeshë dhe me nivel të lartë kolesteroli.

Qeskat e fryra poshtë syve

Prania e tyre mund të sinjalizojë në përgjithësi ndonjë alergji kronike. Megjithatë nëse pjesa poshtë syve merr një nuancë të errët atëherë kjo mund të jetë një simptomë e problemeve me gjumin dhe tiroiden.

Lexo po ashtu Pse nuk duhet ta lani fytyrën para dushit

Asimetria faciale

Nëse vëreni shtrembërim të njërës anë të fytyrës, atëherë duhet të shkoni me urgjencë tek mjeku.Asimetria faciale ndodh kur njeriu po pëson ishemi apo trombozë. Njëra anë e fytyrës është e varur, e mpirë, e tjetërsuar dhe e shoqëruar me vështirësi në të folur.

Nishane të reja

Në shumicën e rasteve, nishanet nuk janë problematike, megjithatë herë pas here duhet t’i kontrolloni tek një dermatolog.

Në raste të caktuara, nishanet që ndryshojnë formë dhe ngjyrë mund të jenë duke treguar një problem më të thellë siç është kanceri i lëkurës ose edhe ndonjë sëmundje të brendshme.

Lexo po ashtu Fytyra juaj tregon gjendjen e veshkave tuaja: Nefrologët apelojnë – shikoni lëkurën, sytë, gjuhën dhe veshët tuaj