Probleme të vazhdueshme me shëndetin, shtyhet deri vitin e ardhshëm turneu i Justin Bieberit

Për ata që presin me padurim pjesën tjetër të turneut botëror të Justin Bieber janë njoftuar se ka një tjetër shtyrje të tij.

Në një deklaratë të postuar në llogarinë e verifikuar në Instagram ‘Justice tour’, u njoftua se turneu ka përfunduar tani për tani dhe se pjesa tjetër e datave të shfaqjes së Bieber po shtyhet.

Në deklaratë thuhet se data e fundit e turneut ishte në “Rock in Rio” në Brazil, i cili u zhvillua në fillim të shtatorit.

“Të gjitha datat e mbetura të turneut të tij botëror shtyhen për vitin e ardhshëm”, thuhet në deklaratë, duke vazhduar të thonë se vonesa përfshin të gjitha shfaqjet deri më 25 mars 2023.

“Datat e reja të mundshme do t’i nënshtrohen disponueshmërisë së vendit dhe datës”, shton deklarata.

Lajmi vjen pas shtyrjeve të përsëritura të mëparshme dhe anulimeve të datave të reja të koncerteve.

Në fillim të këtij viti, Bieber, 28 vjeç, pezulloi turneun e tij pasi u diagnostikua me sindromën Ramsay Hunt, e cila e la fytyrën e tij pjesërisht të paralizuar.

View this post on Instagram

A post shared by Justice World Tour (@justicetour)

Këngëtari i “Sorry” rifilloi turneun në korrik, për të anuluar më shumë data muajin e kaluar.

“Pas pushimit dhe konsultimit me mjekët, familjen dhe ekipin tim, shkova në Evropë në përpjekje për të vazhduar turneun”, thuhej në deklaratën e asaj kohe.

Pas performancës në Rock in Rio në Brazil, Bieber shkroi, “lodhja më pushtoi dhe kuptova se duhet ta bëj shëndetin tim prioritet tani”.

“Kështu që unë do të bëj një pushim nga turneu për momentin. Do të jem mirë, por më duhet kohë për të pushuar dhe për t’u përmirësuar”, kishte deklaruar ylli i muzikës.

Sipas klinikës Mayo, sindroma Ramsay Hunt “shfaqet kur një shpërthim herpes prek nervin e fytyrës pranë njërit prej veshëve tuaj. Përveç skuqjes së dhimbshme të herpesit, sindroma Ramsay Hunt mund të shkaktojë paralizë të fytyrës dhe humbje të dëgjimit në veshin e prekur”.

Lexo po ashtu Kanye West vazhdon postimet ngacmuese në rrjete sociale - këtë herë vënë në shënjestër gruan e Justin Bieber, Hailey

Shfaqjet që ai kishte planifikuar ishin shumë për t’u numëruar, por koncertet në vende si Britania e Madhe, Irlanda, Gjermania, Italia, Polonia dhe Holanda janë ndër ato që janë anuluar. /Telegrafi/