Prishtina në Ligën e Evropës – Fillimisht fiton 220 mijë euro, play-offi vlen 1.3 milion euro, faza e grupeve 3.92 milionë euro

550 milionë euro shpërblime për të gjitha skuadrat pjesëmarrëse në edicionin 2018-2019 në Ligën e Evropës.

Ky është buxheti i UEFA-s për garën e dytë më të rëndësishëm për klube në Evropë, dukshëm më e madhe se sa në vitet e shkuara.

Çdo skuadër që arrin të jetë pjesëmarrëse në fazën e grupeve do të shpërblehet me 2.92 milionë euro.

Fituesit e çdo grupi do të marrin një bonus prej 1 milion euro, ndërsa të kualifikuarat si të dytat e çdo grupi 500 mijë euro secila.

Çdo fitore në fazën e grupeve vlen 570 mijë euro, ndërsa barazimi 190 mijë euro.

Por sa do të përfitojnë Prishtina? Klubi ynë i Superligës që merr pjesë në Ligën e Evropës dhe e nis nga faza para-eliminator, vetëm si pjesëmarrës fiton 220 mijë euro.

Për çdo fazë që Prishtina e kalon shuma rritet edhe për 20 mijë euro nga shumë  paraprake.

Nëse Prishtina e bën mrekullinë dhe arrin deri në fazën play-off do të fitojë 1.3 milion euro.

Prishtina, nëse e bën të paimagjinueshmen dhe kalon në fazën e grupeve, do të përfitonte në total 3.92 milionë euro (pa marrë në konsideratë shpërblimet për rezultatet pozitive të mundshme në fazën e grupeve). /Telegrafi/ 

Fazat kualifikuese

Faza para-eliminator         220.000 euro

Faza e parë kualifikues     240.000 euro

Faza e dytë kualifikues     260.000 euro

Faza e tretë kualifikues    280.000 euro

Faza play-off                    300.000 euro

(Skuadrat që e kalojnë edhe fazën play off nuk e përfitojnë shumën 300 000 euro, pasi marrin shpërblim për pjesëmarrjen në fazën e grupeve, 2.92 milionë euro)