Princesha e Uellsit, Kate Middleton, është fotografuar duke mbërritur në Pallatin Buckingham për të marrë pjesë në një ngjarje të rëndësishme.
Fotografitë tregojnë hyrjen e saj të parë publike që nga lajmi i trishtuar se ishte diagnostikuar me kancer dhe kishte kaluar një operacion pesë muaj më parë.
E shoqëruar nga Princi William dhe tre fëmijët e tyre, Kate shfaqet elegante dhe vendosmër në paradën ushtarake vjetore që shënon ditëlindjen e monarkut britanik dhe që zhvillohet me shkëlqim në qendër të Londrës.
Kate Middleton tregoi përparimin në trajtimin mjekësor në një njoftim të bërë të premten, duke konfirmuar pjesëmarrjen e saj në festimet për nder të ditëlindjes së Mbretit Charles.
Gjatë muajit mars, ajo zbuloi se ishte duke u trajtuar me kimioterapi për një lloj të paspecifikuar të kancerit, një lajm që solli shqetësim të madh tek publiku dhe admiruesit e saj anembanë botës.
Kate u shpreh në një komunikatë: "Po bëj përparim të mirë, por siç e dinë ata që i nënshtrohen kimioterapisë, ka ditë të mira dhe ditë të këqija".
Ajo shtoi se gjendja e saj shëndetësore përballet me disa muaj të tjerë të tretmanit, duke treguar që lufta e saj ende nuk ka përfunduar.
Duke u përgatitur për muaj të tjerë të tretmanit, Kate theksoi se ende nuk e kam kaluar rrezikun, dhe zyrtarët thanë se paraqitja e saj të shtunën nuk nënkupton se ajo i është kthyer plotësisht jetës publike. /Telegrafi/
