Presidenti i Sassuolos, Giovanni Carnevali ka konfirmuar se kontrata e sulmuesit të talentuar, Jeremie Boga, mbart një klauzolë të riblerjes nga Chelsea.
Boga kaloi nëntë vjet në ekipin londinez, duke u bashkuar në akademinë e Chelseat në vitin 2009, dhe fitoi një numër të trofeve te të rinjtë, përfshirë dy Kupa FA, titullin e ligës dhe UEFA Ligën e të rinjve.
Hapësirat e pakta bënë që Blutë të lejojnë largimin e sulmuesit të talentuar drejt klubit italian, Sassuolo.
Megjithatë, Chelsea e dinte që lojtari mund të kishte një të ardhme pasi futi një klauzolë riblerje në transferimin e tij te Sassuolo duke i lejuar ata të ri-nënshkruajnë për 3.5 milionë funte, po aq sa e shitën.
Boga shënoi një supergol ndaj Romës (Foto: Tullio M. Puglia/Getty Images/Guliver)
Carnevali tani ka konfirmuar se një marrëveshje me të vërtetë mund të ndodhë në fund të sezonit.
“Chelsea mund ta riblej Bogan në qershor”, ka thënë fillimisht presidenti i Sassuolos për Goal.
“Ne kemi një marrëdhënie të shkëlqyeshme me klubin dhe i kemi takuar tashmë ata para Krishtlindjeve - për biznesin tjetër”.
“Ata mund ta marrin atë përsëri, por ne gjithashtu mund të ri-nënshkruajmë atë, gjithçka është e hapur”, përfundoi Carnevali. /Telegrafi/
