Prekëse: Vajza e vogël ukrainase shpërtheu në lot pasi pa se çerdhja e saj ishte bombarduar nga rusët

Ky është një moment prekës kur një vajzë e vogël shpërtheu në lot pasi pa kopshtin e saj të shkatërruar nga raketat ruse.

Vajza e re, e quajtur Masha, u filmua duke u dërguar në çerdhen e saj për herë të parë që kur ajo u shndërrua në rrënoja, shkruajnë mediat e huaja, përcjell Telegrafi.

Siç thuhet më tej, pamjet tregojnë ndërtesën e granatuar dhe sheshin e lojërave të shkatërruar teksa Masha dhe tre të rritur kalojnë aty pranë – ndonëse është e paqartë se në cilin vend saktësisht janë filmuar pamjet.

Lexo po ashtu Shefi i Inteligjencës së Mbrojtjes së Ukrainës parashikon se kur Rusisë i mbarojnë armët për luftë

Një grua e pyet: “Masha, pse po qan? A është sepse nuk ka më kopsht fëmijësh?”.

“Je e mërzitur për kopshtin apo jo?”.

Dhe fëmija që qan përgjigjet: “Po”.

Ajo tha se dëshiron të ‘dalë jashtë tashmë’ nga makina për të parë kopshtin e saj.

“Do të dalim për një moment, Masha”, thotë gruaja që e filmoi.

Lexo po ashtu Pse kubanezët po shkojnë të luftojnë për Rusinë në Ukrainë - dhe më vonë po kërkojnë të kthehen në shtëpi?

Shoferi mashkull u përpoq ta ngushëllonte vajzën, duke i thënë: “Mirë, mos qaj”.

Më pas ai shihet duke e mbajtur dorën e saj ndërsa ata dolën nga makina dhe po shikonin vendin e e shkatërruar nga lufta.

Pasi i thanë se nuk lejohet të hyjë në ndërtesën e dëmtuar, burri thotë: “Nuk mund të shkosh atje”. /Telegrafi/