Policia në SHBA arrin të identifikojë gruan, që në vitin 1991 ishte vrarë me çekiç e trupi i saj ishte djegur

Policia amerikane ka njoftuar se ka arritur të identifikojë gruan e cila në vitin 1991 ishte rrahur me çekiç, ngufatur dhe në fund i është vënë zjarri.

Pretendojnë se viktima është 30-vjeçarja Christine Belusko nga qyteti Clifton në shtetin amerikan New Jersey, transmeton Telegrafi.

Gjykatësi i qarkut Staten Island, Michael McMahon, pretendon se ekipi i tij në bashkëpunim me policinë e New Yorkut dhe FBI-në, ka përdorur teknikat bashkëkohore të forenzikës për të identifikuar Beluskon.

Megjithatë, policia akoma nuk ka arritur ta gjej vajzën e saj Christi Nicole, e cila në kohën e vdekjes së ëmës ishte dyvjeçare.

“Kemi njoftuar familjen për vdekjen e saj dhe po vazhdojmë përpjekjet për të lokalizuar Christi Nicole, për ta njoftuar për këtë dhe kush ishte e ëma e saj dhe çfarë i është bërë asaj. Duhet ta informojmë për t’i treguar se çfarë është bërë për të ardhur deri te drejtësia”, tha McMahon.

“Nuk mund ta rikthejmë, por duam që Christie Nicole dhe familja e saj ta dinë që ajo kurrë nuk është harruar nga autoritetet”, shtoi gjykatësi.

Over 30 years ago, an unidentified young woman was found brutally murdered on Staten Island’s East Shore. After years of work aided by innovative forensic genealogy, we ID’d Christine Belusko of Morris County, NJ as the victim, & that Christine had a 2 y/o child, Christa Nicole pic.twitter.com/XdRu4UTcoT

— Michael E. McMahon (@StatenIslandDA) March 22, 2023

Kufoma e djegur e viktimës me pranga në duar, më 20 janar të vitit 1991 ishte gjetur rastësisht nga një kalimtar rasti në Staten Island.

Policia kishte shumë pak informacione për atë se kush është viktima, përveç tatuazhit karakteristik të akrepit në kraharorin e saj, shkruan Sky News.

Belusko ishte goditur 17 herë me çekiç, që u gjet nën kufomën e saj, e në të ishte shkruar emri “Loyd L”. Në vendin e krimit janë gjetur edhe dy zinxhirë të floririt, orë dore, pak para dhe një pako me cigare. Megjithatë, policia akoma nuk ka arritur ta arrestojë vrasësin. /Telegrafi/