LAJMI I FUNDIT:

A po lanson Harry Styles një linjë parfumesh dhe grimi?

A po lanson Harry Styles një linjë parfumesh dhe grimi?

A është Harry Styles i famshmi tjetër që do t’i bashkohet botës së bukurisë?

Sipas dokumenteve të fituara nga Page Six Style, këngëtari u emërua kohët e fundit si drejtori i një kompanie të sapo regjistruar e cila premton të ofrojë parfume dhe produkte kozmetike.

Kompania, e quajtur “Pleased As Holdings Limited”, u regjistrua në Drejtorinë e Kompanisë së Mbretërisë së Bashkuar në 25 maj, dhe u përmend nga llogaria e fansave të Styles @TheHarryNews në Twitter, të premten.

Emma Spring – e cila ka qenë ndihmëse e Harry për vite me radhë dhe madje është nëna e kumbarit të tij, Arlo, për të cilin këngëtari ka një tatuazh – është renditur si drejtoresha tjetër e kompanisë.

“Pra, kjo është ajo që ai bën kur nuk dëgjojmë prej tij me muaj”, shkroi një fansa në Twitter . “Shumë i hutuar, por në rregull”, shkroi një tjetër .

Të tjerët sugjeruan që ndoshta produktet kozmetike të premtuara mund të përfshijnë grimin ‘unisex’ ose manikyrin e thonjve , pasi këngëtari njihet për manikyrët e tij të modës dhe stilin ‘unisex’. /Telegrafi/