Plasaritet asfalti i shtruar para një muaji (Video)

Ndonëse është shtruar vetëm një muaj më parë, asfalti në rrugën “Muharrem Fejza” në lagjen “Mati 1” është prishur.

I kontaktuar përmes telefonit nga KALLXO.com, zyrtari i Komunës së Prishtinës, Erzen Vraniqi, tha se “ajo pjesë e rrugës është dëmtuar nga prishja e një ujëmbledhësi”.

Vraniqi tha se inspektorët janë në terren dhe se rruga do të rregullohet.

Por, Njazi Korça, banor i lagjes, thotë se rruga u dëmtua për shkak të sasisë së vogël të asfaltit dhe kushteve jo të volitshme atmosferike kur u shtrua.

Ky banor për prishjen e rrugës bën fajtor edhe qytetarët, të cilët hapin kanale e nuk i mbyllin.

Ndërsa, qytetari Ramiz Halimi tha se rrugës disa ditë para se të rishtrohej i janë mbushur gropat, e pastaj është shtruar me një shtresë me kualitet edhe më të dobët se që ka qenë përpara. Halimi është shprehur i zhgënjyer me qeverisjet e Komunës, përfshirë këtë të fundit.

“Mendojshim që këta të Vetëvendosjes pak ma nom veç po më doket që as këta kurgjo”, tha ai. /kallxo.com/