Pinë çaj me dy iranianë me kallashnikovë dhe kamping në një zonë lufte – të përjetosh një udhëtim plot sfida nga Londra në Siberi me një veturë 1000 dollarëshe (Foto)

Rosanna Laurence nuk kishte vozitur veturë që kur ajo kaloi testin e saj tre vjet më parë dhe kishte harruar se çfarë bëjnë pedalet.

Ndoshta kjo do të konsiderohej një situatë jo ideale duke pasur parasysh faktin se 25-vjeçja do të duhej të ishte në një ekip që mori pjesë në një turne, nga Republika Çeke përmes 21 vendeve, deri tek Siberia, 15.000 milje larg.

Ky, siç shkruajnë mediat e huaja, përcjell Telegrafi, do të ishte një udhëtim që do të dërgonte Rosanën dhe dy të tjerë përgjatë kufirit të Afganistanit, në një zonë lufte, në një park makinash, ku ata gatuan makarona – dhe ata do të kishin drekë me dy iranianë të armatosur me nga një AK-47.

Një veturë Volkswagen, e blerë rreth 1000 dollarë, 1.2 litërshe, rreth 13 vjet e vjetër, të cilën ata e kishin blerë – do të ofronte gjithashtu drama shtesë duke u përballur me vështirësi mekanike.

Ekipi – Rosanna dhe shokët Miles Pattinson-Appleton, 24 vjeç, nga Herefordshire dhe David Eriksen, 26 vjeç, – filluan odisenë e tyre epike në Londër më 13 korrik.

Pika fillestare e tubimit ishte një ish-bazë sovjetike në mes të disa pyjeve jashtë Pragës.

Nga Praga ekipi vazhduan aventurën në Sllovaki, Hungari, Rumani, Bullgari, Turqi, Gjeorgji dhe Armeni.

Në kufirin e vendit të fundit me Azerbajxhanin, ekipi kishte ngritur kampin në një fushë dhe filloi të zienin oriz kur një makinë misterioze u shfaq.

Rosanna tha: “Një djalë doli dhe na bëri thirrje. Ne po përpiqeshim të flasim me të, por ai fliste në gjuhën ruse”.

“Ajo që ai po përpiqej të thoshte ishte se ku ishim në kamp ishte shumë e rrezikshme. Rezulton se Armenia dhe Azerbajxhani kishin qenë në luftë për 10 vitet e fundit dhe nuk kishim ide”.

Rosanna tha: “Ishte një zonë lufte dhe ky djalë po përpiqej të na shpjegonte se ishim në rrezik”.

“Ndërsa ishim duke u larguar mund të shihnim se kishte një dritë në një nga shtëpitë e braktisura aty afër, kështu që kush e di se kush ishte atje duke na shikuar”.

Pasi kuptuan se ishin gabim, grupi u drejtua me kujdes drejt Iranit, por, ndërsa kaluan kufirin, patën një problem me veturën.

Ajo që pasoi ishte një përzierje e zhurmshme e zhgënjimit të plotë, nervave, rraskapitjes dhe surprizave të këndshme.

Pas dy orësh, në ndihmë të ekipit, dy xhandarë iranianë i ndalën dhe e urdhëruan një kamion tërheqës për ta marrë makinën dhe dërguar tek një mekanik.

Por mirësia e tyre nuk mbaroi me kaq.

Rosanna shpjegoi: “Ata pyetën nëse gjatë pritjes ne donim të shkonim për çaj me ta. Unë mendoja nëse kjo do të ishte një ide e mirë?”

“Ne po shkonim të ulur prapa kamionit me këta dy djem. Shikoja kah djemtë dhe ata kishin nga një AK-47 me vete”.

“Na çuan në kasollen e tyre në male dhe na dhanë çaj dhe fiq”. /Telegrafi/